في عشق الإمام المغيب.. قصيدة رائعة جداً باللغة العامية

[size=24]
[size=16][size=21]لمّا الشمس لبست عباية... وطلّت عالبشر بالنور ... فاق المدى.. وبديت حكاية .. وتمرد عالقفص عصفور
... طلّ السيد موسى وقال.. ما منقبل قيد الأغلال .. سلاحي زينة بإيد رجال .. بِوج الظالم لمّا يثور ..
لمّا يثور بنارو سلاح يتحدى ظلم السفّاح الحرية بيطلع لا جناح ... يرفع هالجسم المكسور
... كان شايف هالدني غاب.. غدارة ومليانة دياب.. من المحنة ع......ندو سرساب.. وع شعبو قلبو مقهور
... فجّر بالثورة أفواج .. ما بتهدا متل الامواج صارو رموشو متل سياج ... وفيّق بصوتو الديجور .
.. ع جبينو عطر وريحان ... وعيونو واحة إيمان ... ومرجّف جسم القضبان .. ومنو سجّانو مذعور
حروف الحق ال بكتابو .. بتزهّر رغم غيابو ... وسنين الغربة شابو .. وبعدا...عيونو ..مرج زهور .
.. برجولة قمت تحدّيت .. وصرخة محرومك علّيت ... بدر وبالعتمة طلّيت ... زهرة وطلعت بين صخور
... انشالله بترجع ع بلادك والدهر يصفّي وافي .. وتغمر بالحب ولادك .. ويسقط غدر القذافي
هوني صرخة أحبابك اشتقنـــــــــــا للحضن الدافي .. قوم تحدى حقد السور سمّيتك يوسف عصرك
ونحنا عالنطرة يعقوب.. يا موسى إفلق بحرك ... بالحرية شق دروب .. الحق العم ينطر نصرك
.. بيعرف إنو بعد غروب .. إنك رح تشرق بالنور إنك رح تشرق بالنور
[/size][/size][/size]

» قصيدة رائعة في الإمام الحسين عليه السلام
» في حب الإمام ..قصيدة بالعامية بعنوان " مش مهم "
» من روائع المتنبي ( قصيدة رائعة)
» صورة قديمة و نادرة للسيد المغيب الإمام موسى الصدر تجمعه بآيه الله المرحوم الشيرازي
» في حب الإمام ..قصيدة بالعامية بعنوان " مش مهم "